Mamayang alas diyes
Bubuhos ang puting pulbos
Sa ilong papasok
Sa langit ang diretso
Mamayang alas diyes
Sisindihan ang mga dahon
Kakalat ang usok
At babalutin ako ng tuwa na
may paltok
Doon may sirenang lumilipad,
Magtatawanan kami ng mga
Kabayo
Tungkol sa mga
Santo Papa de
Mama
Mga banal na p*ta
Mamayang alas diyes
May puputok
Iiyak si nanay; tatawa ang aso
Sasambulat ang langit at usok
Iniwan nila akong mag-isa
Mamayang alas diyes
Kung kailan tulog sila
Kasabay ng aking mga langit
Mawawala ako at ang isang
pagkakataong
Ipinagkait nila
Mamayang alas diyes
Nasa kanto na ako ng bahay
nyo
Sa dibdib may karatula
Ikaw nang bahalang humusga
Malalim ang ibig ipahiwatig ngunit nasa sa iyo kung paano mo ito iisipin :)
ReplyDelete